قصتنا

مرحباً! في هذه الصفحة بالذات راح نكتب باللهجة العامية.

ما زرت هالصفحة إلا عشان تعرف قصتنا ومنو احنا.

احنا أفراد نحب نطور حياتنا بشكل مستمر، ونحب نشتري كتب كثيرة ونستفيد منها. ولاحظنا أن كثير من الكتب اللي عندنا ما قريناها والسبب هو قلة الوقت، الانشغالات، وكثرة الكتب بشكل فظيع. ولاحظنا أن وايد كتب ضيعنا فيها أوقات طويلة وطلعنا بفايدة قليلة، لأن كان أغلبها حشو.

ففكرنا بفكرة؛

شلون نقدر نساعد الأشخاص اللي ودهم يطورون حياتهم ويستفيدون من كل الكتب بدون ما يضيعون وقت كبير؟

بدينا في مكتبنا الصغير من الكويت بقراءة كتب كثيرة وتلخيصها. وتكون عندنا هدف، وهو أن نصنع فرصة لنا ولك، أنك تقدر تحصل على خلاصات الكتب، وبهالطريقة راح تقدر تقرأ كتاب كل يوم في أقل من ساعة!

سناك بوك مكتبة صوتية فيها تلاخيص الكتب الأجنبية في المجالات اللي تساعدك في تطوير حياتك اليومية عملياً.

حالياً انضموا معانا أكثر من +10,331 شخص مستمتع بخلاصات صوتية من الكتب الثرية. حاب تنضم معانا؟ حياك الله


فريق سناك بوك

ناصر المسند — المدير العام

سعد الدوسري — المدير المو عام